Comité de Candidatura
O Concello de Vigo, en calidade de entidade impulsora da Candidatura Illas Cíes Patrimonio da Humanidade, definiu un equipo de traballo, sólido e multidisciplinar, que está dirixido por un Comité de Coordinación que depende directamente da Alcaldía.
Este Equipo de Coordinación do Proxecto de Candidatura liderará o proceso, asegurando o cumprimento da Folla de Ruta establecida para os próximos anos no camiño ata UNESCO, e coordinando os traballos directamente executados por cada un dos Comités no que se compón. A estrutura orgánica é a seguinte:
Comité Científico
Aporta a dimensión técnico-científica á candidatura Illas Cíes Patrimonio da Humanidade. Composto por especialistas en diversas disciplinas científicas:
- — Xeografía física.
- — Xeomorfoloxía e xeofísica.
- — Ecoloxía terrestre.
- — Ecoloxía mariña.
- — Arqueoloxía submarina.
- — Patrimonio natural.
- — Fauna.
- — Flora.
- — Xestión costeira.
- — Clima e cambio climático.
Coordinador: Emilio Fernández Suárez.
Comité Económico-Social
Composto por especialistas en diversas disciplinas do ámbito económico, que terá como misión a análise do ben desde o punto de vista do seu impacto económico e social e estudar as repercusións económico-sociais que suporía acadar con éxito a inscrición das Illas Cíes na listaxe de Patrimonio Mundial UNESCO.
Coordinadora: Dolores Garza Gil.
Comité Técnico
O Comité Técnico constitúese como o brazo operativo do equipo de traballo, interactuando con outros Comités e coordinando todas as tarefas técnicas do proxecto, o corpo de voluntarios e as colaboracións de expertos externos.
En definitiva, o equipo de traballo conformado asegura:
- — Competencias e habilidades para a coordinación e xestión de equipos de traballos multidisciplinares e internacionais.
- — Coñecementos profundos acerca do funcionamento da Convención do Patrimonio Mundial e das Directrices Prácticas.
- — Habilidades e experiencia no deseño e desenvolvemento de procesos participativos de consulta pública.
- — Competencias científico-técnicas para comprender a información relativa ao ben e presentar as singularidades do mesmo ao respecto do cumprimento dos criterios do Programa UNESCO.
- — Integridade social para a representación de intereses e participación activa de todos os colectivos implicados.
Coordinadora: Yolanda Aguiar Castro.
Máis acerca da Candidatura UNESCO
