Xeoloxía

Diversas investigacións xeolóxicas constatan a orixe tectónica das illas. Os principais eventos tectónicos que se conclúe das investigacións deron lugar ao arquipélago, son esencialmente tres:

• — A formación da cordilleira Varisca, a finais do Paleozoico (hai uns 300 millóns de anos).
• — A apertura do océano Atlántico, iniciada no Mesozoico (hai uns 180 millóns de anos).
• — A formación da cordilleira Cántabro-Pirenaica, durante o Cenozoico (entre os 65 e 20 millóns de anos).

Desde o punto de vista do patrimonio xeolóxico, o interese das illas é o máis destacable debido aorepresentativo mosaico de trazos xeomorfolóxicos (formas do terreo e procesos) e xeolóxicos (rochas, minerais e fósiles) das costas atlánticas, creados e transformados durantecentos de millóns de anos, que dotan de gran singularidade o medio físico deste sistema insular.

Ao mesmo tempo, a historia xeolóxica máis recente que modelou o relevo (paisaxe, ambientes sedimentarios e erosivosa) deste arquipélago, é consecuencia en primeiro lugar das características e estrutura das rochas do substrato e a súa resposta ás rápidas transgresións e regresións debidas á sucesión de períodos glaciares do Cuaternario. A pegada deste episodios xunto coa acción da gravidade, a chuvia, o mar e o vento forxou a variedade de elementos xeolóxicos presentes nestas illas, que atende un diverso e selecto mostrario das unidades xeolóxicas ligadas ás zonas costeiras e á plataforma continental da Rexión Eurosiberiana.

É posible encontrar información moi concreta e exhaustiva acerca da orixe e composición xeolóxica do arquipélago na Guía Xeolóxica das Illas Atlánticas.