Zona Peláxica

Os peixes desta zona, presentan normalmente formas hidrodinámicas e acostuman a vivir agrupados en bancos. Adoitan carecer de cores vistosas, xa que necesitan camuflarse coa columna de auga.

Entre os máis abundantes inclúense os areeiros (Ammodytes tobianus), as xardas (Scomber scombrus) ou as robalizas (Dicentrachus labrax), que forman tamén importantes bancos que entran a alimentarse nas zonas de rompemento das augas destas illas.

Tamén é posible atopar mamíferos mariños que pasan por esta zona como o arroaz (Tursiops truncatus) e o golfiño común (Delphinus delphis).